السلام عليكم ورحمة الله وبركاته
جديد الشاعر:/ ســطــام بــنــدر
قصيده بسيطه جدا من باب التواصل لاأكثر اترككم معها ....................
لو شاب شعْر الراس يبقى الشعِر شاب
ويـنـفـض هـمــومٍ بـالـصــدر ماأحـكـيـهـا
والادمــي وشـهـو تــرى حـفـنـة تـــراب
يـخـلـق مـــن الطـيـنـه ويـرجــع الـيـهــا
يزعـل كــذا باأسـبـاب والا بــلا أسـبـاب
ولايـحــصّــل كـــــل حـــاجـــه يـبـيــهــا
أحـيـان يـرفـع هامـتـه قـــدم الاشـنــاب
وعــنــد الـمـحـبـه تـرتـخــي ويـحـنـيـهـا
حب أيـش يابـو حـب هـو باقـي أحبـاب؟
دنـيــا تـــدوخ صـاحــي الـعـقــل فـيـهــا
بـعـض الـغـلا لاجـيـت لـلـصـدق كـــذاب
يـوهـمـك بـاأشـيـاء واقــعــك مايـجـيـهـا
ممكـن نقـول اللـي حصـل بيننـا اعجـاب
امــــا احــبــك عــــاد بــــدري عـلـيـهــا
لازم تحـسـب لكلمـتـك مـيــة حـســاب
وتــعْــرف عـواقـبـهــا قــبـــل تـبـتـديـهـا
والكلمـه اللـي تـحـرق قـلـوب وأعـصـاب
مـاعـد تـسـوي شــي فــي سامعـيـهـا
الـحـب كــم رجــل ٍ خـفـوقـه مـنــه ذاب
ويـبـي السـلامـه مـنــه لـــو يشتـريـهـا
تـنـام فـيــه اهـــداب ويـسّـهـر اهـــداب
وكـم شـخـص راح بسبّـتـه فــي يديـهـا
شف خافقـي مـن سبـة الحـب منصـاب
بـنــت ٍ تبـيـنـي مـــن وفــاهــا وابـيـهــا
عـيّـا الـزمـان وصــك مــن دونـهـا الـبـاب
وراحــت ثـمـان سـنـيـن وانـــا احتـريـهـا
اغـيـاب؟ ايــه اغـيـاب ياشـيـنـه اغـيــاب
الـعـيــن جـاعـتـهـا وقـلــبــي ضـمـيـهــا
جمـلـه ولالــي عنـدهـا مـوضـع اعــراب
لانــــي بـاخــوهــا ولاحـــــدا والـديــهــا
طفلـه وكبـرت ليـن لبسـت لهـا حـجـاب
ولاعـــاد لـــي عـــذرٍ عـشــان التقـيـهـا
امـــرّ وانـظــر نـظــرة اغـــراب لاغـــراب
ماكـنـنـي فـــي يـــوم كـنــت اهتـويـهـا
مـنـهـا بـقـالـي صـــورة داخـــل كــتــاب
فـــي كـــل يـــوم اضـمّـهــا واحـتـويـهـا
والا انــــت لا تــــوّك صـغـيّــر وجــــذاب
ودنـيــاك تـبـغـا تــفــل لــــك حاجـبـيـهـا
ممكن نكون أصحاب ... او ممكن اعجاب
امـــا أحـبــك عـــاد مـــا اقـــدر عـلـيـهـا
أخــوكــم:ا م ي ر ا ل ش و ق
موضوع: (كذاب) 
الأحد نوفمبر 18, 2007 6:30 pm
